Ses van die 11 beesrasse op die skou vanaf 25 April tot 4 Mei in die Rosestad bied nasionale kampioenskappe aan. Sowat 1 100 beeste word verwag teenoor die 576 van 11 rasse wat in 2023 aan die 140ste Bloemskou deelgeneem het.
Verlede jaar het die Hereford-, Charolais- en Braunvieh-rasse nasionale kampioenskappe aangebied, maar vanjaar spook die Simmentalers, Shorthorn, Sussex, Dexters en Angus sake op nasionale vlak uit, asook die Santa Gertrudis-ras wat sy 50ste bestaansjaar tydens Bloemskou sal herdenk.
Sowat 3 477 skape sal aan die ses nasionale kleinveekampioenskappe en die nasionale skaapskeerkompetisie op Bloemskou deelneem. Sowat 1 200 Dorpers is ingeskryf vir die tweejaarlikse wêreldskou in Bloemfontein en 700 skape van 50 telers neem aan die Merino Classic deel.
