Sy koms was ’n groot hoogtepunt in haar lewe; om eindelik – en nogal ná ’n besonder moeilike kraamproses – haar seuntjie in haar arms te hou, is ’n ervaring wat sy vir niks sal verruil nie.
En meer as ’n maand later is die grimeerkunstenaar Efraine du Toit (33) nog net so verlief op klein Joha, haar en haar man, Paul (40), se eersteling.
“Ek het gereeld in my swangerskap my probeer indink hoe dinge gaan wees, maar ek besef nou ek het dit heel verkeerd gedoen, dit is werklik ongelooflik,” vertel sy oor die kleinding, wie se volle name Johann Daniël du Toit is. Hy het op 24 Februarie sy opwagting gemaak.