.
.
Die blondekoppie sit knus op sy ma se skoot, en Michanka van Zyl skep met ’n teelepel van die koffie uit haar koppie en voer dit vir klein Elijah. Die mannetjie drink gulsig aan die boeretroos. Hy is al een jaar oud, maar hy kan nie self ’n lepel na sy mond lig nie.
Hy kan eintlik niks na sy mond toe lig nie, verduidelik sy ma. Sy het hom darem al geleer om vorentoe te leun, sy kop in ’n bakkie kos te hou en sy eetgoed reguit uit die bak op te slurp.
Die outjie het in hierdie stadium geen ander keuse nie, want sy lyfie laat hom nie toe om die gewone dinge te doen wat ander kinders beskore is nie.
