Suidooster, 7de Laan, Generations . . . Noem maar die plaaslike sepie, en die kans is goed dat Adrian Alper op ’n stadium óf voor die kameras te siene was óf ’n hand in die regie gehad het.
Nou is dié gesoute akteur en regisseur Maandag oorlede – en kollegas én geliefdes is dit eens dat hy ’n groot leemte laat.
Adrian (51) is oorlede “ná komplikasies weens ’n stryd met tuberkulose”, sê Rudi Trap, sy lewensmaat van die afgelope 32 jaar.