Maatskaplike toelaes sal nie noodwendig kiesers oorhaal om vir die ANC te stem nie. Volgens ’n ondersoek van die Universiteit van Johannesburg se Sentrum vir Maatskaplike Ontwikkeling in Afrika (CSDA) dra werkskepping, dienslewering en ’n beter lewe vir mense meer gewig as toelaes.
Die CSDA het onlangs faktore bekend gemaak wat kiesers sal beïnvloed om vir ’n party te stem.
Volgens die ondersoek is daar nie meer die groot rede dat mense vir die ANC sal stem omdat hulle bang is om hul toelaes te verloor nie, omdat die opposisiepartye ook toelaes steun.