advertisement
18 July 2011

10 immuniteit-versterkers

Dit maak soveel meer sin om jou immuunstelsel as 'n voorkomingsmaatreël 'n hupstoot te gee, as om daarmee te sukkel wanneer jy reeds siek is.

0

Dit maak soveel meer sin om jou immuunstelsel as 'n voorkomingsmaatreël 'n hupstoot te gee, as om daarmee te sukkel wanneer jy reeds siek is.

Hier is tien belangrike dinge wat jy volgens deskundiges moet doen om gesond te bly.

Anti-oksidante het 'n direkte uitwerking op jou immuunstelsel. Verhoog jou inname van die anti-oksidante vitamien C, vitamien A, beta- en gemengde karotiene, vitamien E en selenium. Eet liewer die kosse wat hierdie anti-oksidante bevat as om aanvullings te gebruik – studies het getoon dat dit nadelig vir jou gesondheid kan wees.

Vrugte en groente daagliks. Eet baie vars vrugte en groente en drink elke dag 'n glas vars, uitgedrukte lemoensap (met 240mg vitamien C per glas dek dit 'n kind se daaglikse behoeftes gedurende die winter, maar volwassenes het 'n bietjie meer nodig).

Stresontlading. Beheer jou stres met daaglikse ontspanningstegnieke. Voortslepende stres plaas ongelooflik baie spanning op jou immuniteit, wat jou vatbaar maak vir al die virusse wat die rondtes doen.

Drink baie tee. Navorsers in Boston het bevind dat mense wat vyf tot ses koppies swart tee per dag drink 'n versterking van dié deel van die immuunstelsel ondervind wat as die eerste verdedigingslinie teen infeksie dien.

Meer as net graankos. Franse en Spaanse navorsers het bevind dat graankos wat ryk aan polifenole is die immuunstelsel kan herbou en jou lewensverwagting verhoog.

Unieke soja. Prebiotika soos die oligo-suikers (wat gefermenteer en nie verteer word nie) in soja laat die immuniteit-versterkende organismes vinniger groei en verhoog die positiewe uitwerking daarvan.

Pre- en probiotika. Pre- en probiotika is sterk immuunversterkers. Prebiotika is voedselkomponente wat die voedselvoorraad van die bakterieë in die verteringstelsel verhoog, sodat die voordelige bakterieë kan groei en gedy. Probiotika is kulture van die voordelige bakterieë wat in die verteringskanaal van gesonde mense voorkom. Probiotika verhoog die opname van belangrike minerale uit die verteringstelsel en voorkom sodoende tekorte wat immuniteit verlaag.

Noodsaaklike voedingstowwe. Mikro-voedingstowwe soos vitamien A, yster en sink versterk die immuniteit van oud en jonk. Vitamien A verminder die risiko vir infeksie. Yster versterk immuniteit deur middel van 'n aantal belangrike ensieme en immuniteitsfaktore. Sink speel 'n belangrike rol in normale groei en verhoog teenliggaamproduksie.

Verminder jou kilojoule-inname. Navorsers meen dat deur kilojoules te verminder, 'n mens die selle in die immuunstelsel wat belangrik vir die bevegting van infeksie is, versterk. In 'n studie op Rhesus-ape  is daar bevind dat kilojoule-beperking die onderhoud en produksie van T-selle verbeter.

- (Marcus Low, Health24, hersien April 2011)

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Are you sure? »

Aid your digestion What are digestive disorders?

Are you really constipated?

Many people think that if they do not have two or more bowel movements every single day of their lives they are constipated. This is patently not true, writes DietDoc.

True of False? »

SEE: How anaphylactic shock affects your body

Stop believing these 10 allergy myths

Do you still believe that hay fever is caused by hay? Or that food allergies are really common? No, and no again. We bust 10 myths about allergies.