Die voorreg om met sy derde raswenner in SA Stamboek se Elite- koei-kompetisie te kan spog, is die hoogtepunt in Edward Hansen van die Emok Bonsmara-stoetery by Hochfeld in Namibië se loopbaan as Bons- mara-stoetteler. Dié keer is ERH 13-0138 die wenner vir Bonsmaras in die buiteland, terwyl ERH 04-0023 en ERH 09-0034 in onderskeidelik 2014 en 2021 uitgetroon het. Hy het die koeie self geteel.
Edward vertel dit word algemeen aanvaar dat die stoetteler die grondslag vir genetiese diereverbetering lê. “Dis die stoetteler wat diere individueel identifiseer, geboortes en ouers aanteken (meestal ook produksie-evaluering), en die verslae en data gebruik om volgens teeldoelwitte in ’n doelgerigte teelplan te selekteer.
“Dit help nie net medestoettelers om beter teelmateriaal te bekom nie, maar help ook die kommersiële boer om sy kudde se produksievermoë met meerderwaardige teelmateriaal, veral bulle, te verbeter.”