Die onlangse veiling op Parys het saamgeval met Bonsmara SA se sestigste verjaarsdag.
Up George het ook op 2023 se nasionale veiling die hoogste prys van R260 000 ontvang en spog met die wêreldrekordprys van R4,4 miljoen vir ’n bul wat op hul produksieveiling van 2023 verkoop is. In 2022 het die stoetery twee Suid-Afrikaanse rekord behaal; R550 000 vir ’n dragtige koei-met-kalf en R200 000 vir ’n dragtige vers.
Derek en Tutu Ralfe wat die Up George-stoetery op Wasbank in KwaZulu-Natal besit, het die duurste vers op vanjaar se veiling, LAR 21-0158, aan Eloff Muller van Tambaraine Bonsmaras, Mosselbaai, verkoop. Die vorige SA rekordprys van R260 000 is óók deur Eloff betaal.
Die hoogste prys van R200 000 vir ’n koei-en-kalf, SYF 21-0065, is deur Nico Pieterse, Syferfontein Boerdery, Standerton behaal. Die koper was Ahmed Bhamjee van Bhamjee’s Bonsmara, Caroline. Nico het ook die hoogste prys van R52 500 vir ’n dragtige stoetkoei, SYF 19-0218, ontvang. Die koper was Sarel van der Merwe, Sathara Bonsmaras, Hendrina.
Die hoogste prys vir ’n dragtige koei-met-kalf (3-in-1) was R180 000 vir DAJ 20-0133 van
Justin Stirk, Frontier Bonsmaras, Alexandria en Mokhanda. Die koper was Thinus Maritz, Thinus Maritz Boerdery, Vaalwater.
Dragtige koeie-met-kalwers (3-in-1) het gemiddeld R88 864 vir elf diere behaal, dragtige stoetverse gemiddeld R77 500 vir 35 diere, stoetkoeie met kalwers gemiddeld R69 091 vir elf diere, en dragtige stoetkoeie gemiddeld R38 500 vir vyf diere.
Die veiling is deur Vleissentraal Bloemfontein aangebied en Mike Killasy was die afslaer.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.