Hoogtepunte in die berig
Voorbereidings om te sorg dat die Bothaville-vleismark genoeg vleis- en
ander produkte beskikbaar het vir Nampo-gangers begin elke jaar reeds in Maart
in alle ywer. “My grootste kliënt tydens die Nampo-week is die restaurante in
die Fanie Ferreirasaal. Ons lewer voor die tyd ook baie produkte aan gastehuise
en restaurante, en dan moet ons natuurlik sorg dat ons genoeg biltong en
braaipakke vir die besoekers het. Om te kan braai by Nampo is tog die één ding
waarvan die meeste besoekers praat,” sê Sonja Steenkamp, eienaar van die
slaghuis.
Die produkte wat die gewildste is tydens dié week sluit biltong, patties, wors en braaipakke in. “Daar is besoekers wat sommer voordat hulle na die park in die pad, stop en biltong vir die dag koop. Ons ure tydens Nampo-week is van 07:15 tot 19:00, en ons neem ook bestellings vir diegene wat deur die loop van die dag besluit hulle gáán vanáánd braai,. Ons wil dus sorg dat hulle wel vleis vir daai rooster het.”