Verhit die olie en braai die uie, knoffel en gemmer oor lae hitte daarin tot sag, maar nie bruin nie. Voeg die speserye by en braai vir ’n paar minute tot geurig. Voeg die maalvleis bietjie vir bietjie by en braai bruin. Voeg die tamatiepuree by en prut stadig vir sowat 30 minute tot die kerriemaalvleis dik en geurig is. Geur na smaak met sout, peper en suiker voor jy dit voorsit.
Lewer 6 porsies.
Voeg 500–750 ml gemengde, bevrore groente by die maalvleis ongeveer 10 minute voor die kooktyd verstryk om die kerrie te rek.