Baie boere met wie ek die afgelope tyd oor die huidige moeilike toestande in die veebedryf gepraat het, se reaksie was dat hulle hoop dinge sal spoedig normaliseer.
Willem Symington, voorsitter van Agri Noord-Kaap, sê egter altyd dat hoop nie ’n strategie in moeilike tye is nie. As die beursie knyp, is dit nie tyd vir ’n kop-in-die-sand-strategie nie, maar vir daadwerklike besinning en herbesinning van die boerdery se finansies.
Die eerste stap as die geldsake druk, is om vas te stel of die boerdery sy huidige finansiële verpligtinge kan nakom. ’n Eenvoudige boeresom wat ’n mens kan maak, is die volgende:
