Abri Richter van Panorama, Piketberg, sê dit is nog nie winter nie en dis baie droog daar, “maar vanjaar is uitsonderlik droog – ekstra droog. Die grond is ook verskriklik hard. Ek dink dit was verlede jaar se baie reën.”
Hy is nog besig om te plant en beoog om klaar te plant en vir die reën te wag. “Ek verkies om droog te plant, dan is niks onder stres nie, en ek kan al my brekasies hanteer.” As die planter swaartrek in die droë grond, werk hy maar ’n rat stadiger en maak klein verstellings aan die saadplasing. “Daar is mos nie haas nie. Ek doen wat ek kan met wat ek het en binne my vermoëns is.”
Bogemiddelde jaar nog nie buite bereik nie