Werner Rossouw, graanhandelaar van Silostrat in Welkom, het op die Bothaville-Suid-Boerevereniging se groentoer gesê die beter posisie vanjaar is danksy die groter oppervlakte wat onder mielies beplant is, asook die watertafelgrond wat by die oordrag van surplus-grondvog vanaf die vorige seisoen baat.
“Ons verwag ook dat 2025 se vroeë lewerings witmielie-invoer kan beperk of selfs heeltemal kan voorkom, maar dis belangrik dat die prys aanhou om tot minstens planttyd teen die einde van die derde kwartaal sterk te verhandel. Dit is om te verseker dat uitvoer beperk word en seker te maak dat daar genoeg vroeë aanplantings is om lewerings in Maart en April 2025 ’n hupstoot te gee.”
Hy het beklemtoon dat ’n prys van meer as R5 000 per ton op lang termyn goeie waarde bied, en produsente kan dit gerus oorweeg om hul pryse vir 2025 met opsies te verskans.
