Daar is mos die ou grappie wat sê ’n mens kan nie ’n skraal sjef vertrou nie – jy moet darem seker ook weet hoe die kos smaak voor jy dit bedien. Die glanssjef Mynhardt Joubert ken daardie grappie goed.
Niemand het ooit ’n woord oor sý ekstra paar kilo’s gerep nie – in die eerste plek het sy groot lyf by sy groot persoonlikheid gepas, maar sy kos is in elk geval so smaaklik, dis ál waaroor gesprekke oor hom gewentel het.
Tog, vertel Mynhardt ons vandag, het daar baie meer geskuil agter die ekstra gewig wat dié voormalige Kokkedoor-wenner met soveel grasie gedra het.