.
.
So wat doen jy as jy deesdae liefde soek? Jy laai seker maar ’n maatsoek-app op jou foon, of vra jou vriende om vir jou ’n toe-oogafspraak te reël. Maar as jy Liane Heyl is, dan doen jy dinge anders.
Kykers kon al jare gelede, toe sy hul harte as Vetkoekpaleis se Boeboe gesteel het, agterkom daar is iets aweregs aan haar. Dus vertrek Liane eersdaags op ’n spogavontuur op ’n gewilde bestemming langs ’n beeldskone rivier – met ’n rits mans op haar hakke, van wie sy een gaan kies om haar nuwe Romeo te wees (sien heelonder hoe om in te skryf).
Dis deel van ’n splinternuwe Via-afspraakprogram, Roei vir liefde. “Ek hoop dit gaan pret wees,” vertel die borrelende Liane.
