Dis nie kinderspeletjies om 'n skoolrugsak reg te dra nie. Jou kind se rug kan vir altyd deur 'n rugsak geknou word as sekere voorskrifte nie nagekom word nie. Volg ons gids en moenie toelaat dat jou kind soos in die volksliedjie "swaar dra, al aan die een kant" nie.
Al meer Suid-Afrikaanse kinders ontwikkel rugprobleme. Dokters meen dat skoolrugsakke wat oorlaai en verkeerd gedra word 'n groot oorsaak van dié probleem is.
Kinders is onaktiewer as voorheen, wat dit vir baie leerders fisiek moeiliker maak om die gewig van 'n swaar gelaaide boeksak te hanteer sonder om die rug seer te maak. Kinders groei in hul tienerjare die vinnigste, en dit maak die ruggraat kwesbaar.
Verstelbare bande
Die bande moenie te los
wees nie. Kweek by jou kind die
gewoonte om die bande te verstel
voor hy die rugsak opsit of afhaal.
So
kan hy sy arms vrylik beweeg en is
dit nie nodig om die ruggraat te
verwring in 'n poging om die
rugsak op te sit of af te
haal nie.
Pak so in
Maak seker dat net die nodige
boeke ingepak word. Rugsakke
met kompartemente sal help
om die gewig eweredig te
versprei.
Pak swaarder items onder in die sak en naby die kind se rug om die gewig van sy skouers af te hou en vir beter postuur.
Gebruik 'n heupgordel
Kies 'n rugsak met 'n
heupgordel sodat die
skouers en nek nie
alleen die gewig van
die sak hoef te
dra nie.
Breë, opgestopte skouerbande
Maak seker dat die
skouerbande breed en
goed opgestop is vir
ondersteuning
en gemak.
Gebruik albei bande van die sak
Die rugsak se bande
moet oor albei skouers
gedra word sodat die
gewig eweredig oor die
rug versprei word.
Die regte gewig
Die rugsak moenie meer
as 15% meer as die
kind weeg nie. As die sak
hom vooroor dwing, is dit
oorlaai.
Posisie van die rugsak
Maak seker
dat die rugsak
nie onder die
middellyf
hang nie.
(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)