Childhood Diseases

Ons 1 jarige peuter het sedert geboorte 'n borsie wat, veral as hy opgewonde of aktief is, gor of hyg. Hy is sedert 2 maande op Isomil aangesien hy allergies was vir NAN en NAN HA. Ons wil hom nou op 'n "growing-up" melk sit, maar dit blyk of hy allergies is hiervoor ook. Watter melk kan ons gebruik, want nie Nido of Purity se melke akkomodeer met sy sisteem nie.
Ons het hom by meer as een pediater gehad toe hy nog heelwat kleiner was, en hulle het gese ons moet nie bekommer oor sy gor-borsie nie, en dit sal reg kom, maar ons is bekommerd. Dit klink amper soos 'n perkoleerder wat besig is. Wat as dit simptome is van astma, en saam met die allergie, kan dit nadelig wees! Verder is hy baie gesond en aktief, maar hierdie kwessies is vir ons 'n probleem. Natuurlik veroorsaak dit ook dat hy nie te goed slaap nie. Wat kan ons doen, of wat kan dit wees wat dit veroorsaak? Baie dankie.