Sweetuitslag (hitte-uitslag)

Dié uitslag word veroorsaak deur die verstopping van die klein openinkies van die sweetkliere. 'n Mens sien honderde baie klein, helder blasies, dikwels op die gesig en voorkop, of, in erger gevalle, klein rooi kolletjies op die bolyf. Warm, bedompige weer en te warm klere kan tot sweetuitslag lei.

Behandeling: Laat die "pasiënt" koeler klere aantrek en 'n koeler plek opsoek. Vermy olierige salf; dit kan die probleem vererger.

(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)