advertisement
06 October 2011

Hoe Jobs vir pankreaskanker behandel is

Steve Jobs het daarin geslaag om vir meer as sewe jaar met 'n seldsame vorm van pankreaskanker te leef.

0

Steve Jobs het daarin geslaag om  vir meer as sewe jaar met 'n seldsame vorm van pankreaskanker te leef. Dié soort kanker groei stadiger as die meer algemene soort. Maar die feit dat hy twee jaar gelede 'n leweroorplanting moes ondergaan, was 'n teken dat sy probleme met die siekte nog nie verby was nie.

Die stigter van Apple het lank alle inligting oor sy siekte streng geheim gehou, en geen nuwe feite is in die tydperk na sy dood openbaar nie.

Maar mediese deskundiges wat nie by sy behandeling betrokke was nie reken Jobs het waarskynlik die oorplanting nodig gehad omdat sy kanker teruggekeer of versprei het. Hulle sê die oorsaak van sy dood kon die kanker gewees het, die nuwe lewer wat nie gewerk het nie, of komplikasies weens die immuun-onderdrukkende medikasie wat hy geneem het om orgaan-verwerping te voorkom.

'n Leweroorplanting kan Jobs se tipe kanker genees, maar "as dit sou terugkom, sou dit waarskynlik binne ’n tydperk van tussen een of twee jaar wees," sê Dr. Michael Pishvaian, 'n kankerspesialis by Georgetown University se Lombardi Comprehensive Cancer Centre.

Jobs het in 2004 ná sy operasie aangekondig dat hy genees is van 'n neuro-endokriene  gewas, 'n heelwat meer behandelbare vorm van pankreaskanker as die algemene tipe waaraan die akteur Patrick Swayze twee jaar gelede oorlede is.

Maar die Apple-hoof het nooit laat blyk of die kanker na sy limf nodusse of lewer versprei het nie, of hoe uitgebrei sy operasie was nie. Baie dokters spekuleer dat hy 'n Whipple-prosedure ondergaan het, waarin 'n deel van die pankreas, 'n gedeelte van die dunderm en in sommige gevalle 'n deel van die maag, verwyder word en die spysverteringstelsel herkonstrueer word.

"Dit is 'n groot operasie" en pasiënte kan lank daarna probleme met hul spysvertering hê, sê Dr. Steven Libutti, direkteur van die Montefiore-Einstein Centre for Cancer Care in die Bronx.

'n Paar jaar later was Jobs aansienlik maarder en het baie uitgeteer gelyk. In Januarie 2009 het hy dié probleme toegeskryf aan 'n hormonale wanbalans wat maklik behandel kan word. 'n Paar weke later het hy met siekverlof gegaan en die leweroorplanting gehad, wat vir twee maande geheim gehou is.

Selfs toe wou Jobs nie sê hoekom die oorplanting nodig was nie, hoewel dokters gereken het dat die mees waarskynlik rede daarvoor was dat die kanker na sy lewer versprei het.

Gewoonlik word oorplantings nie gedoen op mense met kanker nie, maar "daar is party wat glo dat 'n leweroorplanting die oplossing kan wees" vir 'n neuro-endokriene gewas, mits die kanker nie verder as die lewer versprei het nie, sê Pishyaian.

Oor die algemeen lewe mense met neuro-endokriene gewasse wat versprei vir nog sewe tot agt jaar, en party pasiënte het al ’n verdere 20 tot 30 jaar oorleef, sê Dr. Martin Heslin, hoof van kankerchirurgie van Vanderbilt Universiteit.

Dit was nie vir Jobs beskore nie.

In Januarie het hy sy derde en finale verlof aangekondig, en in Augustus bedank.

AP Hoof Mediese Skrywer Marilynn Marchione het ’n bydrae tot hierdie verslag gemaak.

(SAPA-AP, Oktober 2011)

  

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Contraceptives and you »

Scientists create new contraceptive from seaweed Poor long-term birth control training leads to 'accidents'

7 birth control myths you should stop believing

Will the Pill make you gain weight? Can you fall pregnant while breastfeeding? We bust seven common myths about birth control.

Your digestive health »

Causes of digestive disorders 9 habits that could hurt your digestive system

Your tummy rumblings might help diagnose bowel disorder

With the assistance of an 'acoustic belt', doctors can now determine the cause of your tummy troubles.