advertisement
12 January 2011

Hart-risiko hoër ná 2 uur voor die TV

Volgens 'n onlangse studie het mense wat meer as twee uur per dag van hulle vrye tyd voor die TV of enige ander monitor deurbring, 'n hoër risiko vir hartsiekte en selfs sterfte.

0

Volgens 'n onlangse studie het mense wat meer as twee uur per dag van hulle vrye tyd voor die TV of enige ander monitor deurbring, 'n hoër risiko vir hartsiekte en selfs sterfte.

Navorsers sê dat die effek nie enige verband hou met hoeveel oefening 'n mens kry nie, wat aandui dat die manier hoe ons ons vrye tyd buite werksure deurbring 'n enorme impak op ons algemene gesondheid het.

"Dit het alles met gewoonte te doen. Baie van ons het geleer om wanneer ons by die huis kom, dadelik die TV aan te skakel en dan vir 'n paar uur stil te sit. Dit is gerieflik en maklik," sê Emmanuel Stamatakis, 'n deskundige op die gebied van epidemiologie en openbare gesondheid aan University College in Londen.

"Maar dit is sleg vir die hart én ons algemene gesondheid," sê Stamatakis, wat saam met die ander outeurs van die studie 'n aantal openbare gesondheidsriglyne aanbeveel wat waarsku oor die risiko van 'n gebrek aan aktiwiteit gedurende ons vrye tyd.

Dringende waarskuwings

Sulke waarskuwings is belangrik, "veral omdat die meerderheid werkende volwassenes vir lang tye onaktief is terwyl hulle pendel of voor ’n lessenaar of rekenaar sit," sê die studie wat in die Journal of the American College of Cardiology gepubliseer is.

Navorsers het die data van 4,512 volwassenes wat aan die Scottish Health Survey of Households deelgeneem het, geanaliseer. 

Die inligting oor tyd voor 'n beeldskerm is gebaseer op self-voorsiende data oor TV- of DVD-kyktyd, vrye tyd-rekenaargebruik en die speel van videospeletjies.

Nadat wetenskaplikes mense wat aangedui het dat hulle minder as twee uur per dag voor monitor-gebaseerde vermaak deurbring, met mense wat meer as vier uur per dag voor skerms spandeer, vergelyk het, kon hulle by laasgenoemde 'n 48% hoër risiko vir sterfte as gevolg van 'n verskeidenheid oorsake vasstel.

Selfs by diegene wat net twee of meer uur per dag ná werk voor ’n skerm deurbring, het hulle 'n 125% hoër risiko vir kardiovaskulêre noodgevalle soos hartaanvalle gevind.

Anders as ander risikofaktore

"Hierdie assosiasies was onafhanklik van tradisionele risikofaktore soos rook, hipertensie, BMI (liggaams massa indeks), sosiale klas én oefening," het die studie bevind.

Navorsers kon egter korrelasies vasstel tussen vlakke van inflammasie en cholesterol by mense wat hoofsaaklik sit.

Volgens die studie kon " 'n kwart van die korrelasie tussen tyd voor die skerm en kardiovaskulêre noodgevalle, kollektief deur C-reaktiewe proteïne (CRP), liggaams massa indeks en hoëdensiteit-lipoproteïen (HDL) cholesterolverduidelik word".

CRP, 'n aanduider van laegraadse inflammasie, was omtrent twee keer so hoog by mense wat meer as vier uur per dag van hulle vrye tyd voor ’n skerm deurbring as by mense wat minder as twee uur per dag voor monitors spandeer.

Stamatakis sê hy wil voortgaan met sy studies oor hoe 'n langdurige gesit menslike gesondheid affekteer, en hoe lewenstylveranderinge aangewend kan word om onaktiewe tyd te verminder. - (Sapa, Januarie 2011)

Lees verder:
Tweedehandse televisie-blootstelling gekoppel aan eetversteurings
Jou gene en hartsiekte

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Contraceptives and you »

Scientists create new contraceptive from seaweed Poor long-term birth control training leads to 'accidents'

7 birth control myths you should stop believing

Will the Pill make you gain weight? Can you fall pregnant while breastfeeding? We bust seven common myths about birth control.

Your digestive health »

Causes of digestive disorders 9 habits that could hurt your digestive system

Your tummy rumblings might help diagnose bowel disorder

With the assistance of an 'acoustic belt', doctors can now determine the cause of your tummy troubles.