Bloedskenking

• Een eenheid skenkerbloed kan help om tot drie mense se lewe te red.
• In Suid-Afrika word daar elke 48 sekondes bloed geskenk, maar minder as een persent van ons bevolking skenk gereeld bloed.
• Mense met die O-bloedgroep is universele skenkers. Hul bloed kan aan mense met alle bloedgroepe gegee word.
• Mense wie se bloedgroep AB-positief is, is universele skenkers van plasma, die vloeibare deel van die bloed. AB-positiewe plasma word dikwels gebruik in noodgevalle, vir pasgebore babas en vir  pasiënte wat reuse oortappings moet kry.
• Vir heupvervangingchirurgie het 'n mens drie tot vier eenhede bloed vir oortapping nodig, maar 'n steek of skietwond kan ses tot twaalf eenhede vereis. Nog erger, 'n aorta- of buik-aneurisme kan vyf tot vyftig eenhede bloed verg, en 'n leweroorplanting dertig tot 150 eenhede!

Vir meer inligting en om bloed te skenk, besoek die Suid-Afrikaanse Nasionale Bloeddiens se webtuiste by www.sanbs.org.za

(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)