Geestesgesondheid
Jou wapens teen Alzheimer se siekte
- Hou jou verstand op en wakker deur baie te lees, kaart- en ander speletjies te speel, blokraaisels te doen, museums te besoek en saam met vriende te kuier.
- Mense wat gereeld oefening doen, is minder geneig om Alzheimer of demensie te kry as mense wat nie oefen nie. Gesels eers met jou dokter voor jy ’n oefenprogram aanpak.
- Dit lyk ook asof mense wat baie vrugte en groente, veselryke kos, vis en omega 3-ryke olies inneem, en minder vleis en suiwel eet, beter teen demensie beskerm is.
Opsomming: ’n Gesonde en aktiewe leefstyl is die beste wapen teen Alzheimer se siekte.
Bonuswenk
Help ’n Alzheimer-lyer so: Hou pille en gif weg, hou opdragte eenvoudig, verskaf visuele wenke soos kalenders, horlosies en foto’s, plak etikette op voorwerpe en skaf ’n ID-armband met ’n foonnommer aan.
(Huisgenootbrokkies)