Wêreld Vegetariese Dag

Vegetariërs daag vleiseters uit om vir ’n maand (of ’n week of ’n dag) lank nie vleis te eet nie. Hulle kan sommer op Wêreld Vegetariese Dag op Dinsdag 1 Oktober begin. Die doel van die oefening is om meer mense te oorreed om ’n vleislose dieet te volg. Benewens die talle gesondheidsvoordele wat dit inhou, is dit ook voordelig vir die omgewing omdat dit die aanvraag na lewende hawe verminder. Lewende hawe is die mees hulpbron-intensiewe soort voedselproduksie wat die meeste koolstof afskei. Besoek EnviroHealth vir meer inligting en groen wenke.