Water is die wenner

Drink water eerder as versoete koeldrank in blikkies en bottels. Dis sleg vir die omgewing, jou gesondheid en plaaslike ekonomieë. Hulpbronne word uitgeput tydens die vervaardiging van versoete koeldrank, terwyl bottels en blikkies tot vermorsing en besoedeling lei. Versoete koeldrank dra ook by tot die diabetes- en vetsugepidemie en veroorsaak tandverrotting, veral in gebiede wat nie toegang tot tandsorg het nie. Op die ekonomiese front, oorheers multinasionale maatskappye die koeldrankmark en dra by tot klein ondernemings se ondergang.