Rotte: glad nie 'n krisis nie

Rotte kan siektes oordra maar as jy goeie higiëne tuis beoefen, is die risko van besmetting minimaal. As jy af en toe 'n besoek van 'n knaagdier ontvang, beteken dit nie jy moet die pesbeheermense bel nie. Gif, valle met gom of wat toeklap veroorsaak 'n pynlike dood en kan wilde diere en kinders beseer. Sorg eerder dat daar niks in jou huis is wat rotte lok nie: verwyder rommel, kos en water en maak gate toe. Peperment, knoffel en rooipeper is nie-giftige afskrikmiddels. Vir nog groen, menslike pesbeheerwenke kliek hier.