Pasop vir brandende wierrook

Dit ruik dalk lekker en is op die oog af skadeloos, maar die rook van brandende wierrook is ongesond om in te asem en dra tot binnenshuise besoedeling by. Navorsing toon dat nes met sigaretrook, die rook van wierrook ontsteking in longselle kan veroorsaak wanneer dit ingeasem word. Dit hou ook verband met oog-, neus-, keel- en velirritasie; asemhalingsprobleme, waaronder asma; hoofpyn; hartbloedvatsiekte en verandering van longselle se struktuur. Vir nog wenke oor hoe om binnenshuise besoedeling te bekamp gaan na EnviroHealth.