Ek is 25 jaar oud. Van kindsbeen af het ek gedurig pyn in my heupe, partykeer net een of die ander, ander kere albei. Dit gaan gepaard met (veral regs) 'n skeur/klap geluid wanneer ek loop. Partykeer is dit so erg dat dit voel of my been gaan ingee as ek te groot treë gee. Wanneer ek op my sye lê het die heup wat bo is gewoonlik 'n verlammende brandpyn. Gedurende die dag as ek sit, staan of loop gaan my regtervoet se tone dood. Ek is redelik aktief maar die pyn in my heupe laat nie altyd toe dat ek kan doen wat ek graag wil nie.