Ek is 49 jaar oud en het al ongeveer ' n jaar lank ' n konstante pyn in my borskas. Ek het op die internet geblaai op soek na ' n moontlike kwaal soos hart probleme en long probleme. Twee maande gelede het ek maar dokter toe gegaan, hy sê  toe dat hy nie bekommerd is oor die konstante pyn nie dat hart probleme net nou en dan ' n steekpyn gee. Ek vra hom toe uit oor long kanker waarop hy geantwoord het dat longe nie kan pyn nie. Ek het toe aan hom verduidelik dat dit voel of daar iets op my longe is wat uitgehoes moet word, maar aangesien ek nie hoes nie, ek dit nie uitgehoes kan kry nie. Sy diagnose was toe dat ek menopausal is en het hy vir my parasetamol voorgeskryf wat nie gehelp het nie. Ek is ' n besonderse gesonde mens en kry nie eens verkoue of griep nie. Al wanneer ek hoes is wanneer ek my keel skoonmaak van die nasale drip wat ek mee sukkel. Ek is gedurig bewus van die pyn in my borskas maar wanneer ek gaan lê  is dit of dit baie erger is. My pa en ma is albei oorlede aan emfiseem. Kry ' n mens emfiseem net van rook of kan daar ander oorsake ook wees.