Ek is so vier jaar terug geskei. Ek maak my twee kinders alleen groot. Om die afgelope vier jaar alleen pa te wees, was nie maklik nie. Dit is waarom ek so bly (miskien te veel) was toe ek so jaar terug met 'n vrou by die werk bevriend geraak het. Dinge het helaas nie uitgewerk nie, maar nie voordat ek my hart verloor het nie.

Nou sien ek haar elke dag by die werk - dit is so ontsettend seer somtyds. Dit voel partykeer asof ek nie kan asem haal nie. Miskien is die antwoord maar om ander werk te soek. Of miskien sal tyd genees - glo en bid daarvoor.