advertisement
07 July 2011

Te veel kaffeïen veroorsaak angstigheid

Verby 'n sekere punt gee koffie jou nie meer 'n hupstoot nie, maar lei eerder tot verlaagde konsentrasie, asook hoër vlakke van senuweeagtigheid en prikkelbaarheid.

0

Verby 'n sekere punt gee koffie jou nie meer 'n hupstoot nie, maar lei eerder tot verlaagde konsentrasie, asook hoër vlakke van senuweeagtigheid en prikkelbaarheid.

Wanneer hierdie afsnypunt bereik is, lei verdere koppies koffie volgens Lucie Nusbaum van die Duitse Vereniging van Voedingkundiges nie tot verbeterde konsentrasie of werkverrigting nie. In plaas daarvan gebeur net mooi die teenoorgestelde, wat 'n duidelike bewys van die verskil tussen koffie en tipiese verslawingsimptome is. Alkoholiste ervaar byvoorbeeld met elke ekstra druppel die gewenste uitwerking van alkohol.

Volgens Nusbaum is hierdie sogenaamde koffieverslawing niks meer as 'n gewoonte nie. Ten spyte van hierdie realiteit ly baie mense aan onttrekkings-hoofpyne as hulle nie hulle daaglikse hoeveelheid koffie drink nie. Koffie gee 'n mens se bloeddruk 'n korttermyn hupstoot, en wanneer hierdie stimulering nie plaasvind nie, kan dit 'n uitwerking op die brein hê.

As mense byvoorbeeld as gevolg van 'n sensitiewe maag koffie wil uitskakel, moet hulle onttrekkingsimptome verwag. "Ek ondervind persoonlik onttrekkings-hoofpyne wat 'n paar dae kan aanhou," verduidelik Nusbaum, wat koffie nie heeltemal wil uitskakel nie.

Sy sê: "Dit is 'n effektiewe manier vir mense met lae bloedsuiker om soggens aan die gang te kom."

'n Koppie in die oggend kan vir sulke mense 'n hupstoot gee wat die hele dag hou, alhoewel die effek in die geval van mense met normale bloeddruk net tussen 10 en 30 minute duur.

Nusbaum sluit af: "Die algemene reël is dat koffie vinnig en redelik kortstondig werk, en dat die uitwerking vinnig afplat." - (Sapa, Julie 2011)

Lees verder:
Koffie mag jig teëwerk
Fassinerende breinfeite

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Contraceptives and you »

Scientists create new contraceptive from seaweed Poor long-term birth control training leads to 'accidents'

7 birth control myths you should stop believing

Will the Pill make you gain weight? Can you fall pregnant while breastfeeding? We bust seven common myths about birth control.

Your digestive health »

Causes of digestive disorders 9 habits that could hurt your digestive system

Your tummy rumblings might help diagnose bowel disorder

With the assistance of an 'acoustic belt', doctors can now determine the cause of your tummy troubles.