advertisement
08 September 2009

Soet, soeter, soetste

Al drie smaak soet, maar is heuning, suiker en kunsmatige versoeters ewe gesond?

Heuning, suiker of kunsmatige versoeter: watter een is die beste? ’n Kenner pluis al die navorsing uit.
DEUR DIE HUISGENOOT-POLS-VERSLAGSPAN

Om mee te begin, kan jy maar die heuning los as jy gedink het dit gaan jou gesondheid verbeter, sê Karen. Daarby kom sy vorendag met nog ’n hele klomp ander interessanthede wat jy vir jou vriende kan vertel wanneer julle weer oor soetgoed gesels.

Waarskuwing:
Babas en peuters moenie met ’n bottel melk, formulemelk, koeldrank, vrugtesap of soet tee in die mond gaan slaap nie. Dit is so ’n groot oorsaak van tandbederf by kinders dat dit al die naam “bababottel-sindroom” verwerf het.

  • Suiker veroorsaak nie hiperaktiwiteit nie. Ondanks bewerings in die jare sewentig kon navorsers geen bewyse kry dat suiker die oorsaak van hiperaktiwiteit is nie. Tog is dit die beste om seker te maak dat kinders nie baie soetgoed op een slag eet nie, nie eens op ’n partytjie nie. Suiker en soetgoed moet bloot ’n deel uitmaak van ‘n ete of versnapering. Suiker en soetgoed is nie ’n maaltyd nie.
  • Suiker kan tandbederf veroorsaak as jy suiker- en styselkos eet wat maklik aan jou tande vassit en dan nie twee keer per dag jou tande met fluoriedtandepasta borsel en vlos nie. As jy egter minder as vyf keer ’n dag soetgoed, kraakbeskuitjies en droëvrugte eet, behoort jy die bakterieë wat tandbederf veroorsaak, op hul plek te kan sit.

2. Heuning
Heuning lyk mooi en smaak lekker, maar is nie gesonder as suiker nie.

3. Kunsmatige versoeters
Hierdie laekilojoule-versoeters smaak baie na suiker, maar is baie soeter. Na gelang van die soort versoeter kan dit ’n paar honderd tot ’n paar duisend keer soeter as suiker wees.

Laekilojoule-versoeters met een oogopslag
Versoeter Kilojoules Hoe lank beskikbaar Soeter as suiker Handelsnaam
Asesulfaam-K 0 20+ jaar 200x Canderel
Aspartaam 4 15+ jaar 180x Equal, Canderel, Huletts en Weigh-Less
Neotaam 0 4 jaar 7 000x
-
Saggarien 0 60+ jaar 300x Suganon, Sweet n Slim en Natreen
Sukralose 0 20 jaar 600x Splenda

Die slotsom oor heuning, suiker en kunsmatige versoeters

  • Gebruik suiker in matige hoeveel hede (vier tot ses teelepels per dag) selfs al moet jy gewig verloor, maar as deel van ’n gebalanseerde dieet. Selfs diabete kan ’n bietjie suiker gebruik as dit deel is van ’n lae-GI-maaltyd en as hul dieetkundige saamstem.
  • Gebruik kunsmatige versoeters as jy meer as vier tot agt teelepels suiker per dag inneem, maar moenie meer as agt versoeterpilletjies of -poeiers (gelyk aan agt teelepels suiker) per dag gebruik nie.
  • Eet heuning by die klein maat as jy van die smaak hou.
  • Jy sal nie lank kan oorleef sonder om die een of ander vorm van koolhidrate in te neem nie. Alle suikers en stysels word in jou liggaam tot glukose afgebreek. Dus maak dit nie saak in watter vorm jy dit inkry nie. Glukose verskaf die energie vir alles wat jy doen: om asem te haal, te dink, te beweeg en om kos te verteer. Sonder glukose kan jou liggaamselle, en veral jou breinselle, nie oorleef nie.

(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Lifestyle »

E-cigarettes: Here are five things to know

E-cigarettes have become hugely popular in the past decade, but a rash of vaping-linked deaths and illnesses in the US is feeding caution about a product that's already banned in some places.

Allergy »

Ditch the itch: Researchers find new drug to fight hives

A new drug works by targeting an immune system antibody called immunoglobulin E, which is responsible for the allergic reaction that causes hives.

advertisement