Volgens prof. Ben Smit, bekende radioterapeut van die Tygerberg Hospitaal, is daar groot variasie in die groeispoed tussen kankersoorte. Selfs 'n kankersoort wat tipies stadig groei - soos prostaatkanker - kan skielik vinnig begin groei.

Advertisement

Baie kankersoorte wat as aggressiewe en vinniggroeiende kankers bekend staan, veroorsaak gou ná diagnose die dood omdat hulle laat opgespoor is, en omdat hulle swak op behandeling reageer.

Lewerkanker wat primêr in die lewer ontstaan, is 'n baie dodelike kanker, en reageer byna glad nie op enige chemoterapie nie.

Die grootste oorsake van lewerkanker is blootstelling aan die aansteeklike Hepatitis B-virus wat 'n soort geelsug veroorsaak, en blootstelling aan aflatoksien, 'n gifstof wat deur gemufde grondboontjies, mielies en ander graanprodukte afgeskei word. Die meeste gevalle van lewerkanker behoort in beginsel voorkom te word deur inenting teen Hepatitis B (wat nou in Suid-Afrika beskikbaar is) en deur nie swambesmette produkte te eet nie, het prof. Smit gesê.

In Wes-Kaap diagnoseer onkoloë sowat vyf tot ses gevalle van primêre lewerkanker per jaar, maar in Mpumalanga, KwaZulu-Natal en Mosambiek kom meer gevalle voor juis weens Hepatitis B-virus besmetting en aflatoksien-inname.

Ook mense met pankreaskanker lewe meestal slegs weke tot soms maande nadat die siekte gediagnoseer is. Longkanker - en rook speel beslis 'n groot rol - is ook 'n derduiwel. Hoewel vooruitgang gemaak is in die behandeling van longkanker, oorleef die meeste pasiënte slegs maande ná diagnose van longkanker.

Melanoom (moesiekanker) is ook 'n uiters aggressiewe kanker. Indien dit vroeg opgespoor word, is die kans op herstel goed, maar as die melanoom eers 'n sentimeter of twee die vel ingedring het, is die kans vir verspreiding na ander organe groot, en is dit 'n dodelike kanker. Ovariële kanker word ook dikwels te laat opgespoor.

Sekere limfome (limfklierkankers), sekere soorte leukemia (bloedkanker) en testeskanker reageer goed op behandeling en word nou as heeltemal geneesbaar beskou.

Die sleutel lê dikwels in vroeë opsporing. - Marí Hudson
 

Print this article

Rate this article Poor 1 2 3 4 5 Excellent

JOBS

Operations Manager R20,000-25,000 Per Month Cost To Company Incl Benefits Gauteng - East Rand Financial Accountant: CA(SA) R400,000-500,000 Per Annum Cost To Company Gauteng - Johannesburg Key Account Manager Gauteng Java Developer-CT Western Cape - Cape Town Java Developer-Jozi Gauteng Account Manager R460,000-540,000 Per Annum Cost To Company Plus Benefits Gauteng Account Manager R460,000-540,000 Per Annum Market Related Plus Benefits South Africa Case Manager R210,000-220,000 Per Annum Negotiable Gauteng - Pretoria Find more jobs Register your CV Post a job