Advertisement

Dié skokkende boodskap is op die jaarlikse kongres van Graan SA hier aan die land se graanboere gebring. In 'n lywige verslag oor die volhoubaarheid van graanproduksie in Suid-Afrika wat op die kongres bekend gestel is, sê prof. Lawrence Schlemmer, bekende marknavorser, die Vrystaatse bevolking behoort in die volgende 25 jaar weens veral vigs met 70% te daal. Dit is die hoogste verwagte daling van al die land se streke, 'n volle 6% hoër as die Boland se naasmeeste verwagte bevolkingsafname van 64%. Landelike bevolkings in Gauteng, Noord- en Wes-Kaap gaan ook aansienlik verminder.

Hy sê die uitwerking van vigs op Suid-Afrika in sy geheel gaan rampspoedig wees.

Die verwagte patroon is dat bevolkings in die kommersiële landbougebiede aansienlik gaan afneem, maar dat getalle in tradisionele stamgebiede binne pendelafstand van ontwikkelde gebiede minder sal afneem of selfs sal toeneem.

Schlemmer meen daar is 'n baie sterk moontlikheid dat die kommersiële landbougebiede kan ontvolk.

Dit sal egter nie 'n vreemde verskynsel wees nie, omdat dit in die meeste lande met 'n moderne landbousektor reeds gebeur het.

Hy voorspel dat die land se bevolkinggroeikoers teen 2025 gaan stilstaan en ná 2015 bykans nie meer gaan styg nie. Die Suid-Afrikaanse bevolking behoort teen 2015 sowat 48,3 miljoen sterk te wees en teen 2025 sowat 48,9 miljoen.

Hy haal Christina Quattek van ING Barings Bank aan wat beraam dat plaasarbeid in Suid-Afrika teen 2005 'n MIV/vigs-besmettingkoers van 23% sal toon. Sy verwag 2,4 vigsverwante sterftes per 100 plaaswerkers teen 2010. Dit beteken 489 vigssterftes vir elke 100 normale sterftes in dié sektor teen 2010.

Volgens Quattek gaan die totale Suid-Afrikaanse arbeidsmag teen 2005 weens vigs sowat 6,2% kleiner wees, teen 2010 sowat 12,8% kleiner en teen 2015 sowat 18% kleiner.

Dr. Jan du Plessis, bekende politieke ontleder, het op die kongres gesê die vigs-epidemie het nou die vermoë om Suid-Afrika te vernietig.

Teen 2025 sal Suid-Afrikaners se gemiddelde lewensverwagting weens vigs van 70 tot 35 jaar krimp.

"Weet u hoeveel mense moet doodgaan om dit reg te kry? Dit is verskriklik."

Schlemmer het goeie nuus ook gehad: Danksy die verwagte matige styging in die landbou se bruto geografiese produk (BGP) in die Vrystaat en die verwagte afname in die bevolking, sal die landbou-BGP per capita van R3 042 in 1995 tot tussen R10 889 en R12 235 teen 2025 groei. Dit sal beteken die Vrystaat kan oor 20 jaar op die breë maatskaplik-ekonomiese vlak van Wes-Kaap wees. - Die Volksblad

 

Print this article

Rate this article Poor 1 2 3 4 5 Excellent

JOBS

Senior Manager:Human Capital Operations R26,000-47,000 Per Month Cost To Company South Africa Accountant R170,000-200,000 Per Annum Cost To Company Gauteng - North/Sandton Property Analyst R20,000-25,000 Per Annum Cost To Company Gauteng - West Rand Senior Financial Analyst R500,000-600,000 Per Annum Cost To Company Gauteng Project manager R450,000-600,000 Per Annum Cost To Company Gauteng Senior Designer - Horizons Inflight Magazine Western Cape - Cape Town Internal SAP DBM Consultant Gauteng - Johannesburg TREASURY ACCOUNTANT Gauteng - Johannesburg Find more jobs Register your CV Post a job