Dis amper ondenkbaar: die manier waarop die brein die liggaam op groot sportprestasie voorberei. Olimpiese swemmer Ryk Neethling sê hy kan al die dag vóór ’n groot byeenkoms voel hoe sy hart vinniger pomp en sy are vergroot. Die “menslike ysbeer” Lewis Gordon Pugh gaan nog ’n ent verder. Hy verhoog sy liggaamstemperatuur van 36,5 °C tot 38 °C deur net na ysige water te kyk! Tim Noakes se jongste studie oor sportprestasie slaan die spyker op die kop: Dis jou brein wat bepaal of jy wen of verloor. Is joune al reg om die sprong te waag?

'n Foto van Lewis Pugh in die ysige water van die Noordpool het in die Winter 2008 uitgawe van Pols verskyn.