Noodhulp is nie net iets waarmee ’n mens lewens red nie, dit help ook met kleiner dingetjies wat verkeerd loop Deur die Health24-span

Hoe om ’n ring af te kry wat aan jou vinger vassit

Warm weer, ’n besering of rumatiek kan vingers laat opswel en dit moeilik maak om ’n ring af te haal.

Só kry jy die ring af:
Week jou hand in koue seepwater, vat die ring stewig vas en probeer om dit met ’n draaibeweging versigtig oor die gladde vel te trek. As dit nie werk nie, kan ’n stukkie dun tou of tandevlos dalk help.

Begin deur die vlos of wastoutjie tussen die ring en die vinger in te ryg. Trek ’n derde daarvan deur.

Draai die langste stuk van die toutjie styf om die vinger en hou aan om dit om die kneukel in die rigting van die nael te wen. Elke draai van die toutjie moet styf langs die vorige een pas. Trek nou die punt wat onder by die ring uitsteek na jou nael toe: Die vlos sal begin afwen en hopelik die ring saam aftrek.

Moenie ’n ring wat vassit so hardhandig oor die kneukel probeer dwing dat dit seermaak nie. Gaan liewer na jou dokter en laat die ring professioneel verwyder.

Centrum Tip: Removing a ring