JOU VOLGENDE SIEKBED IS NET ’N NIES VERDeur die Health24 span

Hallo, ek is Gert die griepvirus. Ek is ’n geslepe kêrel. Dis aan my te danke dat jy een oggend wakker word en dodelik siek voel. Ek is altyd op soek na die volgende slagoff er en nou’t ek my oog op die perfekte een: Marie…

SATERDAG

Marie is ’n oulike poppie. Sy is nou wel te netjies en gesond na my smaak, maar ek sal haar nog kry.

Dis moeilik om naby aan haar te kom. Sy hou van organiese kos (ugh!) en sy vat selfs haar eie mandjie supermark toe – en vermy ewe slim die trollie-handvatsels waar ek altyd uithang.

MAANDAGOGGEND ...

En sy is ’n regte kiemontduiker by die werk. Sy gebruik net haar eie foon en laat nie eens toe dat ander mense haar skryfbehoeftes of rekenaar gebruik nie.

Ek besluit om haar in die gim op te soek, maar sy maak seker dat haar lippe nie aan die kraan se bek raak nie.

Kyk nou net daar – sy was selfs haar hande voor sy aan haar gesig vat. Sy maak dit beslis nie maklik vir ’n man nie.

Het haar! Marie weet nie dat ’n siek kind oor die speelgoed gekwyl het nie.

DINSDAGMIDDAG…

Knap gedaan, skat. Kombuissponse en vadoeke is my geliefkoosde broeiplekke.

Oe, ek is dol op kitsbanke. Ek kan oor die knoppies kerjakker en duimgooi met die geld.

By restaurante kan jy maklik nuwe mense ontmoet. Daardie Simone is nogal oulik. Al wat Marie nou moet doen, is om my aan haar oor te dra.

WOENSDAG . . .

Al voel Marie reeds ’n bietjie olik gaan sy nog steeds op haar sakebesoek. Perfek. Daar is niks beter as die hergesirkuleerde lug op ’n vliegtuig en al daardie relings en pale op die bus om op rond te rits nie.

Hoeveel ander mense gaan nou nog aan die deurknop raak? Ek kan nie wag om uit te vind nie.

Sukses! Lyk my ek gaan Marie uiteindelik tog in die bed kry. Sy nies vir ’n vale en haar keel lyk ook heel olik

VRYDAG

En ek kry Simone sommer ook beet. Wat ’n heerlike manier om ’n naweek deur te bring.

DIE BESTE VOORKOMING

Dis eenvoudig. Was jou hande gereeld en hou jou immuunstelsel sterk. Eet gesond, rus genoeg, oefen en moenie rook nie.

GRIEPETIKET

1. Dra altyd sneesdoekies saam met jou.


2. Hou eerder jou elmboog voor jou neus as jy nies en nie ’n sneesdoekie byderhand het nie. Die kans is kleiner dat jy met jou elmboog weer aan jou mond sal raak.


3. Dra ontsmetsnesies saam as jy siek is sodat jy openbare telefone, sleutelborde en penne kan skoonvee.


4. Moenie in die griepseisoen met mense bladskud nie.


5. Staan minstens ’n meter weg van mense wat nies of hoes.


6. Moenie kos vir ander voorberei terwyl jy siek is nie. Moet liefs nie die kos in ’n restaurant eet as jou kelner hoes of nies nie. Vra ’n nuwe bord kos of jou geld terug.


7. Wees versigtig vir soen as jy siek is. Omdat speeksel uitgeruil word, dra jy die virus aan jou geliefde oor.

Flu Condition Centre

Dié foto strokiesprent het in die Winter 2008 uitgawe van Pols verskyn.