BYNA elkeen het al verstik.
’n Mens eet en gesels, en dan beland ’n stukkie kos skielik in jou lugpyp. Meestal is ’n klap op die rug (algemeen, maar nie aan te beveel nie) genoeg om die kos te laat losskiet, maar soms werk dit nie.

As die verstikker nie kan asem haal nie, moet jy vinnig spring, want die brein kan nie lank sonder suurstof bly nie. Met een van die drie variasies van die węreldbekende Heimlichmaneuver is derduisende mense al van ’n stikdood gered. Die tegniek kan boonop aangepas word sodat jy dit op jou ook kan toepas.

Hier wys ons jou hoe dit werk – dalk kry jy dit nooit nodig nie, maar dis altyd beter om voorbereid te wees.