Vergeet van druiwe-diëte, vergeet van die proteïndieet of die koolhidraatvrye dieet. Kort-om: vergeet van dieet en van uithongering. Want mense op lae kaloriediëte eet "verslank" hulself al vetter. Só gebeur dit.

Advertisement

'n Al groter persentasie van die mense in die wêreld is vetties – effe oorgewig tot baie vet. Meer as 54 persent van Britse mans en 45% van Britse vroue is oorgewig, en in Amerika nog 'n groter persentasie. Ook in Swede en Nederland is daar al meer vet mense. In Suid-Afrika is sowat 40 persent van alle mense oorgewig.

Een van die grootste bekommernisse onder wetenskaplikes is dat al meer kinders in Amerika, Europa en Suid-Afrika vet is. Die tweede groot bekommernis is dat diekinders se ouers glad nie dink hulle bloedjies is vetties nie. Voorts blyk dit dat min van die vet kinders se ouers self 'n goeie voorbeeld van gesonde eetgewoontes en leefstyl stel.

Waarom nie vet nie?

Vet mense het 'n hoër risiko om hartsiektes, 'n hartaanval, hartversaking, hoë bloeddruk, beroerte, of suikersiekte te ontwikkel. 'n Gewigsverlies van slegs 5 kg kan 'n vet mens se risiko vir bogenoemde verlaag, maar die omgekeerde geld ook. Hoewel genetiese faktore betrokke is by liggaamsbou, is verkeerde eetgewoontes en gebrek aan die genoeg en die regte oefening die hoofredes vir oorgewig. Uiters min gevalle van oorgewig kan toegeskryf word aan hormonale redes.

Vergeet van kitsdrankies en inspuitings

Baie diëte lei tot gewigsverlies, maar die verslanker verloor spiermassa pleks van liggaamsvet, en dieafname in spiermasse vertraag die liggaamsmetbolisme. Dis dan net hier waar die knoop lê, sê Tabitha Hume, geregistreerde dieetkundige in haar boek, "Die X-dieet." Die boek is gegrond op navorsing wat gedoen is oor die beheer van Metaboliese Sindroom of X-sindroom, 'n siektesindroom wat dikwels gepaard gaan met onder meer suikersiekte, hoë bloedcholesterol, hoë bloeddruk en oorgewig.

Baie mites oor dieet weerlê

Dit is nie suiker en koolhidrate wat 'n mens vet maak nie, maar die oormaat vet in die dieet. Om van oortollige liggaamsvet ontslae te raak, moet 'n stadige metabolisme aangevuur word deur die inname van koolhidrate te vermeerder.

Hoe dieet 'n mens jouself al vetter?

'n Mens word inderdaad maerder as hy minder eet, maar wetenskaplike studies het nou getoon dat dieeffek van korte duur is en dat 'n mens wat 'n groot deel van sy liggaamsmassa verloor het, byna as uitgemaakte saak weer al die gewig sal optel, en meer.

'n Uithonderingsdieet kan jou metabolisme só verstadig dat jou liggaam nie meer in staat is om voedsel doeltreffend te verwerk nie.

Wat gebeur met jou liggaam?

Feite oor spiere en ons metaboliese spoed is hier belangrik: ons het energie (kos) nodig omdat ons spiere dit nodig het. Jou hoeveelheid spiermassa bepaal hoeveel energie jy daagliks verbrand: hoe meer spiermassa jy het, des te meer energie kan jy verbrand, en hoe hoër is jou metaboliese tempo.

Gestel jou liggaam het 2000 spiervesels wat saam 2000 kaloriëe kan verbrand. Indien jy jou kalorie-inname tot 'n 1000 verlaag, is daar net genoeg energie om die helfte van die spiere in stand te hou. Die liggaam "fusilleer" vinnig 'n 1000 spiervesels en voer die"oortollige" spiere vir die 1000 wat oorbly en energie benodig.

Die liggaam hou aan om spierselle te self-kannibaliseer totdat die energie wat die liggaam inkry (kaloriëe) genoeg is om die oorblywende spiere te onderhou.

Die diëter verloor gewig en kry 'n maerder, maar papper liggaam. Hy het ook - weens sy verlies in spiermassa - 'n laer metaboliese tempo.

Maerder, maar papper lyf

Vóór die dieet kon jou liggaam 2000 kaloriëe per dag verbrand, maar kan nou net die helfte verbrand. Eet jy nou 'n pizza van 2000 kaloriëe, wat jou liggaam voorheen alles sou kon verbrand omdat 2000 spiervesels gevoer moes word, is daar net 1000 spiervesels om te voer en bly 1000 kaloriëe oor.

Met die helfte van die pizza-kaloriëe in die vorm van suiwer vet, is die kans groot dat dieoortollige 1000 kaloriëe as 110 g vet op jou heupe, bobene of maag gaan bly sit.

Só raak die diëter maerder betreffende spiermassa en gewig, maar styg die persentasie liggaamsvet.

Om nóg meer gewig te verloor, moet die diëter nou 500 kaloriëe per dag eet, en die hele proses word herhaal.

Sy verloor al moeilker gewig. Sodra die diëter dan enigsins meer as 500 kaloriëe per dag eet, begin sy/haar gewig weer stadig toeneem totdat dit meer is vóór die dieet.

Die verslanker moet byna ophou eet om verder gewig te verloor.

Dink swaar en maer

Die proses waardeur koolhidraat-inname wat stadig vrygestel word, te verhoog, waarborg om spierweefsel te bou en vet te verbrand.

Koolhidrate met 'n hoë Glisemie indeks, wat die metabolisme help versnel, spiere bou, en vet verbrand, sluit die volgende in: graanvlokkies, mieliemeel, bruin brood, wit brood, volgraanbrood, heuning, pofkoring, Weet-Bix, aartappel, rys, ryskoekies, hawermoutpap, couscous, suikermielies, boontjies en groenboontjies.

Volgens Hume eet die gemiddelde mens teveel proteïene, en sal mense genoeg spiermassa bou selfs met die beperking in proteïen-inname. Laasgenoemde word beperk hoofsaaklik omdat baie proteïenryke voedselsoorte ook baie vette bevat.

Kontaknommers:

Rate this article Poor 1 2 3 4 5 Excellent

JOBS

Sharepoint Consultant (MOSS; KM; Collaboration) R350-380 Per Hour Gauteng - North/Sandton Sharepoint Consultant (MOSS; KM; Collaboration) R550,000-600,000 Per Annum Cost To Company Gauteng - North/Sandton Senior Ms Dynamics PreSales Consultant (CRM; MOSS) R350,000-500,000 Per Annum Cost To Company Gauteng - North/Sandton Senior Business Intelligence Pre Sales Consultant (SSIS; MOSS; PPS) jp 18646 R350,000-500,000 Per Annum Cost To Company Gauteng - Johannesburg Senior Africa Analyst R429,100-644,400 Per Month Cost To Company Gauteng Financial Manager R429,100-644,400 Per Month Cost To Company Gauteng Admin Assistant R5,500-7,400 Per Month Cost To Company Gauteng Management Accountant R400,000-450,000 Per Annum Cost To Company Gauteng - North/Sandton Find more jobs Register your CV Post a job