Joost en Amor in gesondheidsuitdaging

DANÉL BLAAUW 15/06/2007 01:33:05 AM - (SA)

Die voormalige Springbok-rugbyspeler Joost van der Westhuizen en sy sangeres-vrou, Amor Vittone, is die nuutste glanspaar wat hulle tot ’n nuwe realiteitsgesondheidsuitdaging op die internet verbind het.

Advertisement

Die gewilde egpaar sal met die hulp van dieetkundiges, sjefs en fiksheidsinstrukteurs poog om ’n gesonder leefstyl te kweek. Hulle sal weekliks hul vordering in die Forever Young-gesondheidsuitdaging in ’n aanlyndagboek (blog) op Health24 se webwerf (www.health24.com) aanteken.

Joost en Amor het hulle pas aangesluit by bekendes soos Wilma van der Bijl (oud-skoonheidskoningin), Tanya Fourie (internasionale supermodel), Gert van de Merwe (mode-ontwerper) en die modelsusters Kelly en Kerry McGregor, wat ook aan dié leefstylregruk-program deelneem.

Die egpaar het gister, in die eerste stap tot ’n leefstyl-omwenteling wat by hul glanslewe sal aanpas, hul bloed by hul huis in Fourways, Johannesburg, laat trek.

Die oud-Bok het gesê hy is ’n fiksheidsfanatikus wat daagliks die gimnasium besoek. “My doel is om ’n laer vetpersentasie te kry.” Toe hy vir die Bokspan uitgedraf het, was Joost se vetpersentasie 8,5%. Vandag is dit 6%.

Amor, wat effens skrikkerig vir die naald was, het gesê haar doelwit is om die gimnasium te besoek. “En energie om by my man by te hou!” Die sangeres met die vietse lyfie sê sy sien uit na veral die kooklesse. “Ek wil graag leer gesond kook.” Die gesigbehandelings en talle besoeke aan gesondheidspa’s wat deel van program is, is vir haar ’n groot bederf. “En wie weet, miskien sal ek gaan vir botox,” skerts sy oor dié aanbod. Laserbehandeling vir pigmentasie sou ook ’n moontlikheid wees. Joost sê die gesin handhaaf ’n gesonde leefstyl, daar word nou net na ’n hoër rat oorgeskakel.

As deel van die leefstyl-ommeswaai drink die bekendes “verjongingswater” uit die Sederberge wat na bewering ewige jeug sal vasvang. Die leefstyl-ambassadeurs, soos die deelnemers bekend staan, drink daagliks hierdie mineraalwater wat glo veroudering verlangsaam.

Me. Vicky Lucas, streekbestuurder van die mineraalwater-verspreider, sê die water vertraag die verdeling van DNS-selle en herstel beskadigde selle. Die deelnemers se bloed word vooraf getrek en na Swede vir ontleding gestuur.

Rate this article Poor 1 2 3 4 5 Excellent

JOBS

Financial Manager R500,000-550,000 Per Annum Cost To Company Gauteng Chief Financial Officer (Chartered Accountant) R1000,000-1500,000 Per Month Cost To Company Gauteng Tax Consultant (Chartered Accountant) AA preferably R300,000-500,000 Per Annum Cost To Company Western Cape - Cape Town Financial Manager/Financial Operations (Chartered Accountant) R380,000-500,000 Per Annum Cost To Company Gauteng Training Specialist R250,000-320,000 Per Annum Cost To Company Gauteng - East Rand CFO Gauteng Human Resources Manager R420,000-540,000 Per Month Cost To Company Gauteng Chief Financial Officer R900,000-901,000 Per Month Cost To Company Gauteng Find more jobs Register your CV Post a job