Joost, Amor verbind tot nuwe, gesonder leefstyl

Jun 17 2007 05:25:23:760PM - (SA)
Danél Blaauw

Amor Vittone oorweeg dit om Botox-behandeling teen plooie te kry as deel van 'n realiteitsgesondheidsuitdaging op die internet.

Advertisement

Die internasionale supermodel Tanya Fourie sou op haar beurt graag haar borste wou lig as deel van dié totale leefstyl- regrukprogram.

Vittone het vroeër by haar huis in Johannesburg laat val sy kan dalk net van dié Botox-aanbod gebruik maak.

Mev. Vicky Lucas, streekbestuurder van Aqua Bimini in Gauteng en een van die koördineerders van die uitdaging, sê tien glansmense neem aan dié uitdaging deel.

Lucas sê die bekendes se fisieke voorkoms kan met natuurlike en chirurgiese metodes verander word, terwyl hul lewenstyl met oefening en eetgewoontes omgeswaai word.
Sy sê die deelnemers het elk 'n wenslysie van dit wat hulle fisiek aan hulself wil verander, ingegee. Fourie se versoek is glo van die hand gewys omdat dié chirurgiese proses te duur is, sê Lucas.

Vittone en haar man, Joost van der Westhuizen, het verlede Woensdag by hul huis in Fourways hul bloed laat trek in die eerste stap om deel van dié uitdaging te word.

Saam met dieetkundiges, fiksheidsinstrukteurs en sjefs sal bekendes soos Wilma van der Bijl (gewese Mej. Suid-Afrika), Gert van de Merwe (mode-ontwerper) en die modelsusters Kelly en Kerry McGregor poog om 'n gesonder leefstyl aan te kweek. Die leefstyl-ambassadeurs, soos die deelnemers bekend staan, sal weekliks hul vordering in 'n aanlyn-dagboek (blog) aanteken. As deel van die leefstyl-ommeswaai drink die bekendes "verjongingswater" uit die Cederberge wat glo ewige jeug sal vasvang deur die verlangsaming van veroudering.

Lucas sê die water vertraag die verdeling van DNS-selle en herstel beskadigde selle.

Die deelnemers se bloed word vooraf getrek en na Swede vir ontleding gestuur. Ná die program word dieselfde toetse herhaal om wetenskaplik te bewys dié benadering tot ewige jeug deurstaan die toets.

Van der Westhuizen het gesê hy is 'n fiksheidsfanatikus wat daagliks die gimnasium besoek. "My doel is om 'n laer vetpersentasie te kry." Toe hy vir die Springbokke as skrumskakel uitgedraf het, was sy vetpersentasie 8,5%. Vandag is dit 6%.

Vittone, wat effens skrikkerig vir die naald was, het gesê haar doelwit is om die gimnasium te besoek. "En energie om by my man by te hou!" Die sangeres met die vietse lyfie sê sy sien veral uit na die kooklesse. "Ek wil graag leer gesond kook."

Die gesigbehandelings en talle besoeke aan gesondheidspa?s wat deel van die program is, is veral 'n groot bederf vir haar. Joost sê die gesin handhaaf 'n gesonde leefstyl - daar word nou net na 'n hoër rat oorgeskakel.

Rate this article Poor 1 2 3 4 5 Excellent

JOBS

Financial Manager R500,000-550,000 Per Annum Cost To Company Gauteng Chief Financial Officer (Chartered Accountant) R1000,000-1500,000 Per Month Cost To Company Gauteng Tax Consultant (Chartered Accountant) AA preferably R300,000-500,000 Per Annum Cost To Company Western Cape - Cape Town Financial Manager/Financial Operations (Chartered Accountant) R380,000-500,000 Per Annum Cost To Company Gauteng Training Specialist R250,000-320,000 Per Annum Cost To Company Gauteng - East Rand CFO Gauteng Human Resources Manager R420,000-540,000 Per Month Cost To Company Gauteng Chief Financial Officer R900,000-901,000 Per Month Cost To Company Gauteng Find more jobs Register your CV Post a job