advertisement
Updated 25 August 2016

Ongelukkige kinders wend hulle tot seks en alkohol

Jong kinders wat nie gelukkig op skool is nie, is meer geneig om by minderjarige drinkery en seksuele aktiwiteit betrokke te raak.

0

’n Studie wat in BioMed Central se ope-toegang-joernaal Substance Abuse, Treatment, Prevention and Policy, gepubliseer is, het bevind dat beide leerders se algemene welstand en hulle tevredenheid met hul skool met die voorkoms van riskante gedrag geassosieer kan word. 

Professor Mark Bellis het saam met ’n span navorsers van die Centre for Public Health, Liverpool John Moores University, saamgewerk om dié studie op meer as 3500 11 tot 14-jaar-oue kinders, van 15 skole in die Noordweste van Engeland, uit te voer. Hy sê dat die kanse groot is dat kinders wat reeds op 13-jarige ouderdom alkohol gebruik, ook alreeds seks gehad het. 

“Hoe meer hulle drink, hoe hoër die risiko vir vroeë seksuele aktiwiteit. Ons het egter in hierdie gevalle die verhoudings bestudeer tussen nie alleen alkoholgebruik en seksuele gedrag nie, maar ook tot watter mate hierdie gedrag deur hulle gevoelens oor hulle lewe by die skool en tuis beïnvloed word.”   

Hoe gelukkig is kinders?  

Die skrywers het die algemene welsyn onder kinders bepaal deur middel van vra oor hoe gelukkig hulle oor hulle voorkoms is, hoe goed hulle met hulle ouers klaarkom, of hulle voel hulle kan hulself laat geld en of hulle dikwels berou voel. Skoolgeassosieerde welsyn is geassesseer deur vrae te vra oor hulle gevoelens oor hulle skool, hoe hulle onderwysers hulle behandel en hul houding teenoor skoolreëls. 

Volgens die outeurs dui die studie aan dat kinders wat duidelik nie van hulle skool hou nie, ’n 2.5 keer hoër kans het om in ’n seksuele verhouding betrokke te wees. Misnoeë met hul skool was ook ’n goeie voorspeller van alkoholgebruik.  

In sy kommentaar oor die resultate sê Professor Bellis: “Ons studie identifiseer die neiging dat kinders wat drink en seksueel aktief is, minder tevrede met hulle lewe op skool en tuis is. Sulke kinders kan hulself onttrek van beide hulle familie en opvoedkundige situasie, en loop die gevaar om probleme soos seksueel-oordraagbare siektes en tiener-swangerskappe op te doen, of selfs, as gevolg van alkoholmisbruik, by die ongevalle-eenheid van ’n hospitaal te beland."

"Hierdie studie stel dit duidelik dat konvensionele opvoedkundige en ouerlike roetes dikwels die moeilikste manier is om tot dié kinders wat ons ondersteuning die nodigste het, deur te dring.”

- (EurekAlert, Health24, November 2010)

Lees meer:

Kuberboelies: is jou kind veilig?
Toksiese vriende a trippel-bedreiging
'n Dodelike partytjie?

 
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Exercise benefits for seniors »

Working out in the concrete jungle Even a little exercise may help prevent dementia Here’s an unexpected way to boost your memory: running

Seniors who exercise recover more quickly from injury or illness

When sedentary older adults got into an exercise routine, it curbed their risk of suffering a disabling injury or illness and helped them recover if anything did happen to them.