Navorsers berig dat om vir ander persone te bid, mense mag help om hulle negatiewe emosies te beheer, ná hulle deur 'n vreemdeling beledig is.
'n Reeks studies het bevind dat nadat mense opsetlik kwaad gemaak is, die versoek dat hulle vir iemand bid wat ekstra hulp of ondersteuning nodig het (bv. 'n kankerpasiënt), gehelp het om hulle te kalmeer.
Die navorsers het ook voorgestel dat dié metode gewerk het, selfs by mense wat nie juis godsdienstig of gereelde kerkgangers was nie. Hulle godsdienstige affiliasie het ook geen verskil gemaak aan hul vermoë om ander mense te kalmeer nie, alhoewel byna al die deelnemers hulself as Christene geïdentifiseer het, volgens die verslag wat in die joernaal Personality and Social Psychology Bulletin gepubliseer is.
"Mense gebruik dikwels gebed wanneer hulle negatiewe emosies, insluitende woede, ervaar," sê mede-outeur van die studie, Brad Bushman, 'n professor van kommunikasie en sielkunde aan die Ohio State University. "Ons het gevind dat gebed mense werklik kan help om hulle woede te hanteer, wat waarskynlik daartoe bydra om hulle siening van die gebeurtenisse wat hulle kwaad maak, te verander, wat hulle dan help om die saak minder persoonlik op te neem."
(Kopiereg © 2010 HealthDay. Alle regte voorbehou.)