advertisement
14 March 2011

Oorleef onder puin

Japan is deur 'n verwoestende aandbewing van 9.0 geskud en duisende mense het hul lewens verloor. Baie meer word vermis. Hoe lank kan die gemiddelde mens onder die puin oorleef?

0

Japan is deur 'n verwoestende aandbewing van 9.0 geskud en duisende mense het hul lewens verloor. Baie meer word vermis. Hoe lank kan die gemiddelde mens onder die puin oorleef?

'n Jong, gesonde persoon wat aan die begin van die beproewing genoeg water en voedsel in hulle liggaam gehad het, het 'n redelike kans op oorlewing indien hulle binne 'n tydperk van ongeveer vier dae gered word. Hierdie tydperk kan na gelang van die omstandighede aansienlik korter wees.

Iemand wat gewond is, veral as hulle bloed verloor het, het min kans om langer as 24 uur te oorleef. Om die waarheid te sê, selfs al is daar geen beserings nie, is deskundiges dit eens dat dié persoon se kanse vir oorlewing ná 48 uur maar skraal is.

Geen kos of water

Wat gebeur met 'n mens se liggaam ná 'n lang ruk sonder kos en water?

Die gebrek aan kos is minder krities as die gebrek aan water. Die liggaam kan sy eie vet en uiteindelik selfs die proteïne in sy spierweefsel vir energie gebruik, maar kan water alleenlik van buite af verkry.

Die niere

Die niere is die organe wat die ergste deur 'n tekort aan water beïnvloed word. Hulle hooffunksie is om beide die volume en konsentrasie van water in die liggaam te reguleer.

Sonder water droog die liggaam geleidelik uit, omdat eksterne water nie meer die water wat deur sweet, asemhaling, urine en absorbering deur die ingewande verloor word, vervang nie.

Met toenemende ontwatering word die bloed dikker, wat veroorsaak dat die niere water terughou en die urine wat wél geproduseer word, konsentreer.

Dit veroorsaak dat die bloeddruk daal, wat lei tot 'n verlaging in die volume bloed wat deur die niere vloei. Op hierdie manier word daar meer en meer water teruggehou en die urine word selfs meer gekonsentreer. Op die ou end word daar geen urine meer geproduseer nie.

Wanneer dit gebeur, bestaan daar die gevaar van nierversaking.

Saam met dehidrering raak dors en moegheid al hoe erger. Uiteindelik, wanneer die nierde ophou om urine te produseer, mag die persoon deurmekaar raak en selfs in 'n koma verval, namate die niere versaak.

Daling in bloeddruk

In 'n traumatiese situasie soos 'n aardbewing is daar baie ander faktore wat hierdie proses kan vererger. Skok lei tot 'n verlaagde bloeddruk, wat die onvermydelike proses van nierversaking versnel.

Ander beserings kan bo en behalwe 'n verlaagde bloeddruk ook bloedverlies veroorsaak. Enige borsbesering kan tot asemhalingsprobleme lei.

Nie genoeg lug nie

Party mense gaan dood omdat hulle onder puin begrawe lê en net 'n beperkte hoeveelheid lug het.

Die menslike liggaam is baie kwesbaar, maar ook baie taai, en wonderwerke gebeur partykeer. Cimen, 'n vierjarige Turkse seuntjie is gered nadat hy ná die 1999 aardbewing 140 uur lank onder die puin gelê het.

(Health24, hersien 2011)

Lees verder:
Goue uur om lewens te red

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Dangerous winter sun »

Why female students ignore the risks of indoor tanning Can rooibos protect you from the effects of UVB exposure?

Skin cancer always a risk – even in winter

During winter, the risk of skin cancer doesn’t disappear. CyberDoc talks to us about when to see your doctor about a strange-looking mole or spot.

Did you know? »

The 5 saltiest foods may surprise you Craving salt? Your genes may be the reason

10 fascinating facts about salt

The one thing that fast foods, whether it be chips, hamburgers, pretzels or fried chicken have in common, is loads of salt.