Dié virusbesmetting van die vel veroorsaak duidelike, opgehewe, pêrelgrys puisies van 1 tot 5 mm in deursnee en kan op enige plek aangetref word. Daar kan net 'n paar puisies wees of 'n paar honderd.
Molluscum word maklik oorgedra. Dit is nie pynlik nie, maar lyk onaantreklik. Die enigste werklike gevaar is wanneer die oë deur die uitslag daar rondom aangetas word. Kinders met immuniteitsgebreke, soos dié wat MIV-positief is, kan kwaai molluscum ontwikkel.
Behandeling: Molluscum verdwyn gewoonlik met verloop van tyd, maar as dit lastig is of as daar baie kolle is, is dit tyd vir 'n dokter. Salisielsuur kan op die seerplekke aangesmeer word.
(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)