advertisement
12 January 2009

Marburg-paniek

Die grootste uitbreking van Marburg-koors, 'n bloedingsiekte soortgelyk aan die gevreesde Ebola, het reeds meer as 156 lewens in Angola geëis.

0

`Die grootste uitbreking van Marburg-koors, 'n bloedingsiekte soortgelyk aan die gevreesde Ebola, het reeds meer as 156 lewens in Angola geëis.

'n Suid-Afrikaner het ook ná sy terugkeer uit Luanda aan die siekte gesterf. Al sy Steynsburgse kontakte word nou vir die virus getoets. Mense wat van plan is om Angola te besoek, moet dalk hul reis uitstel. Health24.com berig oor die potensieel dodelike siekte.

Die atmosfeer in hospitale in Luanda is somber volgens nuusberigte uit dié stad. Dokters en verpleegsters wat die pasiënte -die meeste is kinders jonger as vyf jaar - behandel, is bekommerd. Die kinders bloei uit hul ingewande en longe en die plaaslike medici weet min van Marburg-koors. Die eerste gevalle is sonder chirurgiese handskoene en maskers gehanteer en baie van die eerste volwasse slagoffers is inderdaad verpleegsters.

Die Amerikaanse Sentra vir Siektebeheer het reeds dokters en wetenskaplikes na die gebied gestuur en 'n tydelike laboratorium ingerig om toetse te bespoedig.

Geen geneesmiddel
Daar is geen geneesmiddel vir die dodelike virus nie. Dokters kan net hul bes doen om pasiënte se lewe te probeer red deur hulle aan respirators te koppel en hul inwendige bloeding te probeer beheer. Nie dat daar baie respirators in hospitale in die oorloggeteisterde Angola is nie.

Die Marburg-virus is - soos die Ebola-virus - 'n Filoviridae -virus en is moontlik van die Afrika-groenaap afkomstig.

Volgens prof. Robert Swanepoel van die Nasionale Instituut vir Aansteeklike Siektes in Johannesburg is Marburg-koors net so dodelik soos die Ebola-koors.

Marburg-koors is die eerste keer in 1967 in die Duitse stad Marburg geïdentifiseer ná 'n uitbreking in Marburg, Frankfurt en Joego-Slawië. Die uitbreking het moontlik gevolg nadat 'n laboratoriumwerker aan die virus blootgestel is deur kontak met Afrika-groenape. Die groenape is uit Afrika ingevoer vir navorsing en om 'n polioentstof te berei. Die Marburg-virus word beskou as inheems aan Uganda, Wes-Kenia en Zimbabwe.

Die eerste simptome
Die eerste simptome van die virus verskyn gemiddeld binne vyf tot tien dae en kan aanvanklik met dié van malaria, geelkoors, maagkoors of griep verwar word. Die eerste simptome is koors, kouekoors, hoofpyn en spierpyne. Binne vyf dae ná die eerste simptome kan die persoon 'n uitslag op sy bors, maag en rug kry en daarna naarheid, braking, keelseer, longprobleme en diarree ontwikkel. Dan kan geelsug, pankreasontsteking, inwendige bloeding , breinbloeding en orgaanversaking volg.

Die virus word oorgedra deur kontak met liggaamsvloeistowwe soos bloed, sweet, speeksel en alle uitskeidings. Juis omdat die siekte in die beginstadium met ander siektes verwar kan word en omdat dit tot 21 dae kan duur voordat 'n mens die eerste simptome toon, is die kans op "onbewuste" oordrag groot. Dit is- presies soos in die geval van mnr. Elijah Nongqo (50) van Steynsburg gebeur het - moontlik om eers in Suid-Afrika siek te word en die virus onwetend na jou geliefdes oor te dra.

Die Suid-Afrikaanse owerheid beoog om lughawens te monitor om mense wat uit Angola na Suid-Afrika kom en moontlik die virus dra, betyds op te spoor.

As jy na Angola wil reis, veral na die noordelike dele van Angola en Luanda, is dit dalk wys om jou reis uit te stel.

En as jy steeds die gebied wil besoek -was jou hande gereeld, bly weg van enige siek mens of aap, en moet beslis nie die vleis van enige primaat eet nie.

(mhudson@health24.co.za, April 2005)

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

The debate continues »

Working out in the concrete jungle 7 top butt exercises for guys 10 things pole dancing can do for you

The running vs. walking debate

There are many different theories when it comes to the running vs. walking for health and weight loss.

Veganism a crime? »

Running the Comrades Marathon on a vegan diet Are vegans unnatural beasts? Can a vegan be really healthy?

Should it be a crime to raise a baby on vegan food?

After a number of cases of malnourishment in Italy, it may become a crime to feed children under 16 a vegan diet.