Jou dikderm
Eet jou pad na ’n gesonde kolon
- Eet baie oplosbare vesel soos vrugte, hawermout en peulgroente – dit bind galsure en help om cholesterol te verlaag. Nie-oplosbare vesel soos semels en ander heelgraanprodukte help weer vir gereeldheid.
- Ondersteun die goeie bakterieë in jou kolon met kossoorte soos artisjokke, aspersies, uie, knoffel, sampioene en gefermenteerde suiwelprodukte. Mikroflora-aanvullings wat Lactobacilli of Bifidobacteria bevat, vermeerder die aantal goeie bakterieë.
- Drink genoeg water – dit laat die vesel swel, wat die derms beter laat werk en so hardlywigheid help voorkom.
Bonuswenke
- Vyande van jou dikderm sluit in ’n laevesel-dieet, antibiotika, uitermatige stres, infeksies wat diarree veroorsaak en die gebruik van baie sterk chemiese en kruie-lakseermiddels.
- ’n Gesonde dieet, genoeg oefening en gereelde toetsing deur jou dokter kan kolonkanker help voorkom.
(Huisgenootbrokkies)