advertisement
08 March 2011

Is stem 'n voorspeller van ontrouheid?

Wanneer vroue 'n lewensmaat kies glo hulle dat hoe dieper sy stem is, hoe groter die kans dat hy hulle gaan verkul.

0

Navorsers het bevind dat wanneer vroue 'n lewensmaat kies, hulle glo dat hoe dieper die man se stem, hoe groter die kans dat hy hulle gaan verkul. Omgekeerd glo mans dat 'n vrou met 'n hoër stem meer geneig sal wees om ontrou te wees.

Die studie wat in die nuutste uitgawe van die aanlyn joernaal Evolutionary Psychology verskyn, is die eerste een wat die skakel tussen stemtoonhoogte en persepsie van ontrouheid ondersoek, en wat ook insig bied in die evolusie van die menslike stem en hoe ons ons metgeselle kies.

"In terme van seksuele strategie het ons gevind dat mans en vroue stemtoonhoogte as 'n waarskuwingsteken van toekomstige ontrouheid gebruik. Dus, hoe aantrekliker die stem – 'n hoër toonhoogte vir vroue en 'n laer een vir mans – hoe hoër die waarskynlikheid dat hy of sy ontrou sal wees," sê Jillian O'Connor, 'n nagraadse student in die Departement van Psigologie, Neurowetenskap & Gedrag by McMaster University, en die hoofouteur van die studie.

Ontrouheid is duur

"Ontrouheid kom 'n mens duur te staan met die emosionele impak, finansiële implikasies en potensiële verbrokkeling van die familie-eenheid. Maar dit impliseer dat ons deur die evolusionêre proses as 'n beskermingsmeganisme maniere gevind het om moontlike ontroue metgeselle te vermy," voeg sy by.

Deelnemers aan die studie is gevra om na twee weergawes van opnames van 'n manlike en vroulike stem te luister wat elektronies gemanipuleer is om die toonhoogte laer en hoër te maak. Hulle is agterna gevra watter een uit elke groep meer geneig sou wees om hulle romantiese metgesel seksueel te verkul.

"Die rede hoekom stemtoonhoogte die persepsie van ontrouheid beïnvloed, het waarskynlik te doen met die verhouding tussen toonhoogte, hormone en ontrouheid," verduidelik David Feinberg, 'n medeprofessor in die Departement van Psigologie, Neurowetenskap en Gedrag, en 'n raadgewer betrokke by die studie. "Mans met hoër testosteroonvlakke het dieper stemme en vroue met hoë estrogeenvlakke het hoër stemme. Hoë vlakke van hierdie hormone word met ontrouheid geassosieer en ons bevindings dui aan dat mense in 'n mate bewus is van hierdie skakel en dit in hul soeke na 'n romantiese metgesel mag gebruik." - (EurekAlert!, Maart 2011)

Lees verder:
Kuberseks – is dit ontrouheid?

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Dangerous winter sun »

Why female students ignore the risks of indoor tanning Can rooibos protect you from the effects of UVB exposure?

Skin cancer always a risk – even in winter

During winter, the risk of skin cancer doesn’t disappear. CyberDoc talks to us about when to see your doctor about a strange-looking mole or spot.

Did you know? »

The 5 saltiest foods may surprise you Craving salt? Your genes may be the reason

10 fascinating facts about salt

The one thing that fast foods, whether it be chips, hamburgers, pretzels or fried chicken have in common, is loads of salt.