Moets
- Eet drie keer per dag 'n gebalanseerde maaltyd met gesonde versnaperings tussenin om seker te maak jou liggaam kry al die voedingstowwe en energie wat dit daglank nodig het.
- Plaas 'n yspak op jou voorkop om geswelde slagare te help vernou en spanningshoofpyn te verlig.
- Vermy helder, polsende ligte. Selfs 'n TV- of rekenaarskerm kan tot 'n hoofpyn bydra.
- Haal diep asem – dit help jou om te ontspan en stuur meer suurstof na jou bloedvate.
- Masseer jou nek en skouers, of laat 'n terapeut dit doen.
- Strek elke dag minstens vyf minute lank om stywe spiere los te maak. Strek jou nek- en kakebeenspiere saggies en versigtig.
- Hou 'n hoofpyn-dagboek: Skryf neer wanneer die hoofpyn begin, hoe lank dit duur en wat jy geëet het wat dit kon aangebring het.
- Oefen gereeld om spanning te verlig en jou bloedsomloop te stimuleer.
Moenies
- Hou jou bloedsuikervlak stabiel deur gereeld te eet, minstens drie maaltye per dag.
- As jy te veel pynpille drink, raak jou liggaam gewoond daaraan en dit kan die hoofpyn op die lang duur erger maak.
- Moegheid is 'n groot oorsaak van hoofpyn. Mik daarna om elke nag sewe of agt uur te slaap.
- Moenie op jou maag slaap wat spierkrampe in jou nek kan veroorsaak nie.
- Moenie kossoorte eet wat bekend is as snellers nie, soos koffie, sjokolade of alkohol. Maar onthou, net sowat 20% van lyers het identifiseerbare migrainesnellers.
(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)