Hoe om ander sondaars uit te skakel

Katte is nie noodwendig altyd die oorsaak van toksoplasmosebesmetting nie, sê dr. Andrew Whitelaw, 'n senior spesialis aan die Universiteit van Kaapstad se department mikrobiologie. Daar is verskeie ander draers; tref dus maar die volgende voorsorgmaatreëls:

• Moenie halfgaar of rou vleis of eiers eet nie en moenie ongepasteuriseerde melk drink nie. Dié kossoorte kan alles weefselsiste van besmette diere bevat.
• Was jou hande deeglik voor jy eet of kos hanteer, asook nadat jy aan rou vleis gevat of tuin gemaak het.
• Was vrugte en groente deeglik af voor jy dit rou eet.

(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)