Die koste van behandelings word gewoonlik deur mediese fondse gedek, maar dit hang af van jou fonds en plan. Dis altyd 'n goeie idee om eers 'n kwotasie aan die mediese fonds te stuur om te hoor
hoeveel daarvan hulle sal betaal.
- Bytplaatjies kos vanaf R1 800 na gelang van die soort plaatjie, sê dr. Freddie Senekal, 'n tandarts van Durbanville buite Kaapstad.
- Kroon- en brugwerk of inplantate word soms eers gedoen. Kroonwerk kan vanaf R3 000 per tand kos.
- Kroonverlengings kos vanaf R3 000 vir 'n kwart van die mond. Dit sluit hospitaal- en narkotiseurkoste uit as dit in die teater gedoen moet word.
- As 'n tand met 'n inplantaat vervang word, kos dit sowat R13 000.
(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)